Rêxistina Sara dest bi hemleya têkoşîna li dijî tundiya li jinê kir

Rêxistana Sara ya li dijî tundiya li ser jinê li Qamişloyê bi daxuyaniyekê dest bi hemleya têkoşîna li dijî tundiya li ser jinê û civakê kir.

Îro Rêxistana Sara daxuyanî derbarê hemleya li dijî tundiya li ser jinê da. Gelek endamên saziyan û gel beşdarî daxuyaniyê bûn. Daxuyanî bi deqeyek rêzgirtin a ji bo şehîdên komkujiya Helebçeyê dest pê kir. Daxuyanî ji aliyê Endama Rêveberiya Rêxistina Sara ya Herêma Cizîrê Muna Ebd El-Selam ve hat xwedin. Di daxuyaniyê de hat ragihandin ku ji bo jin bi tundiyê rû bi rû neyên hiştin û mafên wan bên parastin têkoşîn û rêxistinbûyin dê bidome.

Dê hemleyê li ser van xalan bên meşandin:

*Dê jin bên perwerdekirin
*Bi pêşengiya jinê dê çanda demokratîk bê zindîkirin
*Dê ji bo guhertina zihniyeta baviksalarî xebat di qada jinê û di nava civakê de bê kirin
*Pîvanên azadiya jinê di nav civakê de ew ê bê pêşxistin
*Dê li dijî tundiya di qada tenduristiyê de têkoşîn bê mezinkirin
*Di nava malbatê de tekiliyên azad û wekhev ew ê bê avakirin
*Dê çanda aştiyê di nava erdnigariyê de bê xurtkirin
*Dê alîkariya hemû civakê bê kirin

Daxuyanî bi dirûşma “Jin jiyan e, jinê nekujin” bi dawî bû.