“Emê alên serkeftinê rakin û vegerin Efrînê”

Şêniyên kantona Efrînê piştî berxwedaneke bêhempa ku 58’rojan dewam kir, di 18‘ê Adara 2018‘an de ji ber komkujiyên dagirkeran xwe spartin kantona Şehbayê û bajarên kantona Cizîrê. Jinên ku niha li Kantona Qamişlo jiyan dikin û bi hêviya vegera Efrînê ne ji Radyoya me ra nêrînên xwe anîn ziman.
Dayika bi navê Nezliya Mihemed ji şêniyên navçeya Şêrawa ye, wiha got: Cîhan bû şahîdê komkojiyan û şerê ku artêşa Tirk a dagirker û çeteyên wê li dijî şêniyan bi kar anîn e, lê belê her kes bê deng ma û bê dengiya wan heya niha jî berdewam dike. Balafirên artêşa Tirk a dagirker dibe ku em ji xaka me dûr xistibin, lê nekarîn vîna me bişkînin.
Dayika Nazliya di berdewama gotinên xwe de wiha got: “Em dixwazin dewleta Tirk ya dagirker bizanibe ku kesek nikare vîna me bişikîne. Em ê alên serkeftinê rakin û vegerin Efrînê û tola şehîdên xwe ji dagirkeran hilînin.”
Her wiha jina bi navê Leman Mihemed ku ji Cindirêsê ye wiha dibêje: “Ruxmî hemû zehmetiyan, em ê heta dilopa dawîn a xwîna xwe li ber xwe bidin, ji bo vegera li Efrînê emê her tiştî tehemul bikin.”
Leman di berdewamya axaftina xwe de diyar kir ku biryara derketina wan a ji Efrînê ji ber komkujiyên dagirkeran bû û wiha anî ziman: “Berxwedana me berdewam e, heta Efrîn ji çeteyên dagirkeriya Tirkiyê were rizgarkirin. Em soz didin ku emê her tim li qadan bin heta em vegerin xaka zeytûnê.

Medya SILÊMAN