Jinên Ciwan: ‘Emê faşîzmê birûxînin û teqez bi serkevin’

Bi dirûşmeya ‘Dem dema azadiyê ye emê teqez  bi serkevin’ ciwanên herêma Cizîrê di çarçoveya piştgiya pêngava KCK`ê û şermezarkirina êrişên dewleta Tirk ên li dijî herêmên Kurdistanê û tecrîda li ser Rêber Abdullah Ocalan, bi meşeke dirêj ji Bajarê Qamişlo ber bi Dêrikê ve meşyan.

Ciwanên ku tevlî meşê bûne tecrîda li ser Rêber Ocelan Şermezarkirin û gotin: emê li ser piyabin heta em Rêberê xwe azad bikin.

Ciwana bi navê Wefa ya ji Qamişlo ji Radyo me ra axifî û wiha got: em wek ciwan armanca me ji vê meşê şikandina tecrîda li ser Rêber APO ye, bi tevlîbûna gelek ciwanên herêmê meşa me ji Qamişlo destpêkir, bi moral û kêfxweşiyek mezin em tevlî vê meşê bûne. wek jinên ciwan emê li ser piyabin û li hember dewletên kompiloger û faşist bisekinin ta em bigihin armanca xwe.

Her wiha ciwana bi navê Renda ya ji Tiltemir jî got: Wek ciwanên Rojava me piştgirî da pêngava KCK’ê û me dest bi vê meşa dirêj kir ji bo ku em li hember êrîşên dagirkeran biseknin û Rêberê mirovahiyê azad bikin. Dewleta faşist Tu carî nikare ruhê di nava ciwanan de bide parçekirin ji ber ku bi ramanên Rêber APO ev ruhê ciwantî hatiye avakirin.

Delal Cemîl